Mga gagmay'ng negosyante tutukan sa DTI | SunStar

Mga gagmay'ng negosyante tutukan sa DTI

Time to read
less than
1 minute
Read so far

Mga gagmay'ng negosyante tutukan sa DTI

Tuesday, October 03, 2017

BAG-O lang gilusad sa Department of Trade and Industry (DTI)-Northern Mindanao ang Mentor Me Project alang sa mga gagmay'ng negosyante nga molambo sa rehiyon.

Gibutyag ni DTI-Misamis Oriental provincial director Eliza Pabillore nga kini nga proyekto alang sa mga small-scale entrepreneurs nga buot mapalambo ug ma-develop ang ilang tagsa tagsa ka negosyo alang sa insakto nga income.

Gilusad kini niaging adlaw sa Cove Garden Resort sa Cugman ning dakbayan sa Cagayan de Oro diin usa sab si Misamis Oriental Governer Yevgeny Vincente Emano ang usa sa speaker.

Matud sa gobernador nga dako kaayo iyang pagsalig sa programa ug usa kini ka dakong kalamboan sa probinsya.

Gidugang sab niini nga aduna lamang 12 ka semana nga mapalambo ang negosyo sa usa ka indibidwal.

Ang kapitolyo lakip sa miabag niini tungod kay damgo sa kagamhanan nga maubsan ang kalisod sa 424 ka mga barangay, 23 ka mga lungsod ug duha ka dakbayan sa probinsya.

Pamahayag sab ni Pabillore nga dako kini og tabang sa mga gagmay'ng negosyante sa probinsya.

“This will be a big help to all the micro entrepreneurs in the province to have bigger profits in running their businesses, and have the best opportunity in promoting their products throughout the country and the world through the different types of modules,” matud ni Pabillore. (SVB)

Gipatik sa mantalaang Superbalita Cagayan de Oro Oktubre 04, 2017.

View Comments