10 ka barangay gihatagan og serbisyo sa MisOr | SunStar

10 ka barangay gihatagan og serbisyo sa MisOr

Time to read
less than
1 minute
Read so far

10 ka barangay gihatagan og serbisyo sa MisOr

Wednesday, October 04, 2017

MOABOT sa napulo ka mga barangay gikan sa dakbayan sa Gingoog ug usa ka barangay gikan sa lungsod sa Magsaysay ang nahatagan og serbisyo sa kagamhanan sa Misamis Oriental.

Kini pinaagi sa programang Barangay Bambi nga gipahigayon Miyerkules, Oktubre 4.

Mokabat sa P600 mil nga balor sa tseke ang itunol sa Barangay Murallon ug Barangay 9 sa dakbayan sa Gingoog.

Samtang, dunay upat ka barangay sa Gingoog nga mao ang Barangay 21, Barangay Lunao, Barangay 24-A, ug Barangay San Jose ang hatagan sa multicab.

Aduna sab duha ka mga barangay sa Gingoog nga gilangkoban sa Barangay Kibuging ug Barangay Daang-lungsod ang hatagan sa tseke nga nagkantidad sa P300 mil alang sa ilang mapiling proyekto.

Samtang kantidad sa tseke usab ang ihatag sa Barangay Sta. Cruz, lungsod sa Magsaysay.

Ang programa sa kagamhanan sa Misamis Oriental ubos ni Governor Yevgeny Vincente Emano. (SVB)

Gipatik sa mantalaang Superbalita Cagayan de Oro Oktubre 05, 2017.

View Comments