Mga armas, shabu nasakmit sa Misamis Oriental | SunStar

Mga armas, shabu nasakmit sa Misamis Oriental

Time to read
less than
1 minute
Read so far

Mga armas, shabu nasakmit sa Misamis Oriental

Wednesday, October 04, 2017

MALAMPUSON ang pagsilbi og search warrant batok sa usa ka lalaki nga giingong adunay mga tinagoan nga armas ug gapayuhot pa og ginadili nga druga sa Barangay Pangasihan, dakbayan sa Gingoog, Misamis Oriental.

Ang operasyon gilangkuban sa Gingoog City Police Station pangulohan ni Police Senior Inspector Ismael Gundaya; Special Weapon and Tactics Police Inspector Jason Felicilda ug Provincial Drug Enforcement Unit Police Superintendent Roel Lami-ing.

Sa operasyon nasikop si Virgilio Surban Yandog, alyas Tibo, 45, minyo, residente sa susamang dapit.

Nakumpiska sa iyang posisyon ang nagkalain-laing klase sa armas sama sa usa ka unit sa kalibre 22 nga naka insert sa magazine, 30 ka mga buhing bala; usa ka 21 kalibre, ug 45 kalibre nga pistola ug laing mga buhing bala.

Gawas sa pagkarekober niini, nakumpiska sab sa iyang posisyon ang 5 ka pakete sa gitouhang shabu uban sa mga nagkadaiyang drug paraphernalia nga gagamiton sagad kung magsuyop.

Matud sa kapulisan nga taodtaod na kini nilang nadawat ang report hinungdan ilang gi-monitor ug nag-file dayon sila og search warrant sa korte batok niini.

Ang warrant giisyu ni Judge Mirabeus Undalok sa Branch 43 sa Regional Trial Court.

Sa pagsulat ning balita, ang suspek balhog na karon sa prisuhan kinsa gikatakdang mag-atubang og ubay-ubay ka mga kaso ning panahona.

Gipatik sa mantalaang Superbalita Cagayan de Oro Oktubre 05, 2017.

View Comments