Mga empleyado'ng 'adik' gibaharan | SunStar

Mga empleyado'ng 'adik' gibaharan

Time to read
less than
1 minute
Read so far

Mga empleyado'ng 'adik' gibaharan

Wednesday, October 04, 2017

"UNDANGA na!"

Kini ang panawagan ni Cagayan de Oro City Administrator Dionne Gersana ngadto sa mga empleyado sa City Hall nga nalambigit sa ginadili nga druga.

Matud sa administrador nga wala nila gikalipay ang gakadawat nga report nga adunay nasikop nga aktibong empleyado sa city tungod kay nalambigit sa ginadili nga druga.

Matud niini nga unta hunungon na ang ilegal nga kalihokan tungod kay dili lang ang ilang gitrabahoan ang maulawan, kauwawon sab kini sa pamilya mismo sa nalambigit niini.

Matud ni Gersana nga luoy ang pamilya nga mabilin kay nadakpan ilang sakop sa pamilya ug lakip ang mga anak maapektuhan.

Dugang niini nga kung mapamatud-an nga adunay mga nalambigit niini posibleng matangtangan diretso og trabaho hilabina ang mando ni Mayor Oscar Moreno pitulon kining mga nalambigit og ginadili nga druga.

Kini nga pamahayag migawas human bag-o lang usa ka sakop sa City Agriculture ang nadakpan sa drug bust nga gikasa sa Police Station 2 sa Cogon niaging mga adlaw nga miresulta sa pagkasikop ni Wisconsin Brasil taga Macabalan ning dakbayan.

Gipatik sa mantalaang Superbalita Cagayan de Oro Oktubre 05, 2017.

View Comments