Kapitan nakuhaan og armas dakpan | SunStar

Kapitan nakuhaan og armas dakpan

Time to read
less than
1 minute
Read so far

Kapitan nakuhaan og armas dakpan

Friday, October 06, 2017

NASIKOP sa Criminal Investigation and Detection Group (CIDG)-Northern Mindanao ang usa ka barangay kapitan nga nakuhaan og nagkadaiyang armas sulod sa balay sa Barangay Gango, lungsod sa Libona, Bukidnon.

Giila ang kapitan nga si Eleazar Ibona kinsa kasamtangan naghupot sa iyang posisyon isip kapitan.

Si Chief Inspector Melgar Devaras, CIDG deputy chief sa Northern Mindanao, nibutyag nga mokabat sa 16 ka mga armas ang nakuha sa posisyon sa kapitan diin adunay pipila naay lisensya apan dunay wala.

Bisan si Ibona aminado nga aduna siyay mga armas nga walay lisensya gumikan kay adunay gapang-abot kaniya nga gapamaligya niini ngadto kaniya.

Lakip sa mga nakumpiska sa iyang posisyon ang AK47 rifel, M16 armalite, bulletproof, duha ka pistola nga kalibre 45 ug 9mm pistol ug uban pa.

Gikasa ang operasyon human ilang nadawat ang report nga naghupot og daghan ug klase klaseng armas ang dinakpan.

Gikatakdang mag-atubang og patong patong nga kaso ang barangay kapitan ning panahona paghupot sa ginadili nga armas. (SVB)

Gipatik sa mantalaang Superbalita Cagayan de Oro Oktubre 07, 2017.

View Comments