Lalaki gipusil patay atubangan sa pamilya | SunStar

Lalaki gipusil patay atubangan sa pamilya

Time to read
less than
1 minute
Read so far

Lalaki gipusil patay atubangan sa pamilya

Friday, October 06, 2017

PATAY ang usa ka lalaki human gipusil sa wala mailang suspetsado sa Barangay Mohon, lungsod sa Tagoloan, Misamis Oriental.

Giila ang biktima nga si Rommel Jimenez, 46, residente sa dapit kinsa anaa na sulod sa balay niini niadtong gabhiona kuyog iyang pamilya.

Matud sa barangay kagawad sa dapit nga si Juancho Dagasohan, iyang gibutyag nga naghilaka iyang pamilya tungod kay ilang nasaksihan ang pagpamusil sa ilang padre de pamilya.

Saysay sa asawa ug mga anak nga daw kalit lang miabot ang lima ka mga lalaki diin duha nagsilbing look-out ug ang tulo misulod diretso sa balay gipusil si Jimenez hinungdan sa pagkaigo sa iyang ulo ug lain-laing parte sa lawas.

Dead on the spot ang biktima ug sa crime scene nakuha ang lima ka basyo sa bala sa kalibre 45.

Human sa pagpamusil, yanong milakaw paingon sa ngingit nga bahin sa banana plantation sa dapit.

Matud ni Senior Police Officer 4 Tawide Galeon, imbestigador sa Tagoloan Police Station, nibutyag nga usa sa ilang gitutokan nga motibo mao kining pagkalambigit sa ginadili nga druga. Kanhi sab kini nakasohan og malicious mischief apan taod-taod na ang kaso.

Ang biktima maoy unang gipusil patay sa lungsod nga gisundan sab dayon sa Barangay Sta. Cruz, susamang lungsod diin aduna gihapon nakabsan sa kinabuhi ug samaran nga sakop sa pamilya. (SVB)

Gipatik sa mantalaang Superbalita Cagayan de Oro Oktubre 07, 2017.

View Comments