Government official positibo sa druga | SunStar

Government official positibo sa druga

Time to read
less than
1 minute
Read so far

Government official positibo sa druga

Thursday, October 12, 2017

POSITIBO sa drug testing ang weather monitoring chief sa Misamis Oriental Provincial Disaster Risk Reduction Management Council (PDRRMC) nga nadakpan sa drug operation niadtong Martes, Oktubre 10 ning dakbayan sa Cagayan de Oro.

Gibutyag ni Senior Police Officer 3 Jigger Rojo, sa City Drug Enforcement Unit (CDEU), migawas na ang resulta sa drug test batok kang Vergil Lago ug nagpositibo kini sa ginadili nga druga.

Dugang ni Rojo nga kapin usa ka gramo nga mobalor og P6 mil ang nasakmit gikan sa posisyon niini sulod sa Wilshire Inn diin nag check-in kini kuyog ang usa ka babaye.

Matud ni Rojo nga kadudahan sab kaayo ang gisulti niini nga ang babaye maoy nagdala sa ginadili nga druga nga unang giingon sa babaye nga wala kini kwarta.

Dugang sab ni Rojo nga dili katuohan ang paghimakak niini hilabina lango kini sa ilegal nga druga niadtong tungora.

Gipaubos na niadtong Miyerkules sa hapon sa inquest proceedings si Lago diin kasong gisang-at niini mao ang pagamit sa ginadili nga druga.

Aduna kini piyansa nga kaso apan matud ni Rojo nga wala pa siyay kasayuran kon mopiyansa si Lago nga gidala na karon sa Lumbia City Jail.

Kahinumduman gikasuko og maayo ni Misamis Oriental Governor Yevgeny Vincente Emano nga usa sa iyang sakop nahilambigit sa ginadili nga druga.

Mibahad kini nga dili na kini makabalik pa sa trabaho tungod kay dili kini maayong ehemplo sa iyang mga katrabaho.

"Dili ko gusto nga matakdan ang uban aning...," suk-anon nga pahayag sa gobernador.

Gipatik sa mantalaang Superbalita Cagayan de Oro Oktubre 13, 2017.

View Comments