Mga 30 ka balay gilamoy sa sunog sa brgy. 22 UG 26 | SunStar

Mga 30 ka balay gilamoy sa sunog sa brgy. 22 UG 26

Time to read
1 minute
Read so far

Mga 30 ka balay gilamoy sa sunog sa brgy. 22 UG 26

Friday, October 13, 2017

PADAYON pa nga gisuta sa tinugyanan sa Bureau of Fire and Protection (BFP)-Northern Mindanao ang hinungdan pag-ulbo sa kalayo nga milamoy sa 30 ka mga balay sa Zone-1, Barangay 22 ug 26, dakbayan sa Cagayan de Oro.

Gibana-banang mokabat sa P1.6 milyones ang natalang damyos sa sunog nga giingong nagsugod sa balay ni Semi Caeril.

Sa pakighinabi sa SunStar SuperBalita kang Wilfredo Merenillo, gibutyag niini nga nakita na lamang nga nagdilaab na ang balay ni Caeril ug nilahos na sa ilang kwarto.

Gidugang pa nga nakatimaho kini og sunog nga wire ug nakurat na lamang sa dihang nakitang ni-ulbo na ang dakong kalayo.

“Wal gayud, tapot lawas ra. Pagsaka nako nagsiga na nigawas ang kalayo sa kwarto nila, paingon sa akong kwarto ,walay abang na,nilayat nalang gani ko sa bintana,” pahayag ni Merenillo.

Samtang gibutyag ni Senior Fire Officer I Imelda Barasan, imbestigador sa BFP nga padayon pa ang ilang imbestigasiyon sa tinubdan sa pag-ulbo sa kalayo.

“According sa mga silingan nga nakakita sa balay nila Semi Caeril…gibutang namo siya sa P1.6 million, Sa among gipangutana wala pud daw nila makit-i ato nga time si Caeril, balikan pa namo didto,” pahayag ni Barasan.

Nagtaya

Dili pa usab nila makompirma ang taho nga nabiyaan nga sinugba kay nagtaya og swertres ang tagbalay hinungdan sa kalit nga pag-ulbo sa dakong kalayo.

Nasayran nga dali nga ni responde mga alas 3:28 sa hapon ang tinugyanan sa BFP ug wala na kini sila makadawat pa og tawag.

Gideklarang kontrolado na ang kalayo mga alas 5:30 sa hapon ug fireout mga alas 6:30 sa gabii. Mi-abot usab sa Task Force Bravo ang natigayong sunog.

Mga alas 10:35 p.m. sa Barangay 22, natala sa City Social Welfare and Development (CSWD) anaa sa mokabat sa walo (8) ka mga house owners diin adunay 27 ka individual, isa ka pamilya ang damage ang balay, usa usab ang sharer diin aduna’y upat ka individual. Mokabat usab sa siyam ka mga renter family ug moabot sa 33 ka mga individual.

Ang ang sharer family partially 2 ug ang individual 7, sharer individual adunay 2 renter ang individual 7 ug uban pa diin mokabat sa inisyal nga natala mao ang20 ka pamilya ug 82 ka individual.

Samtang sa Barangay 26 giingong sa inisyal nga natala moabot kini sa 74 ka mga pamilya ang apektado ug 200 kapin ka mga indibidwal lakip na ang mga renters.

Sa pagkakaron, ang mga biktima sa sunog ang kasamtangang anaa sa evacuation center ug padayon pa nga nagpaabot sa itunol nga mga nag-una nilang panginahanglanon.

Gipatik sa mantalaang Superbalita Cagayan de Oro Oktubre 14, 2017.

View Comments