Mag-agaw gi-shotgun, patay | SunStar

Mag-agaw gi-shotgun, patay

Time to read
less than
1 minute
Read so far

Mag-agaw gi-shotgun, patay

Thursday, November 09, 2017

PATAY ang mag-agaw human gipamusil sa wala mailang suspetsado niaging gabii sa Sitio Dagondong Barangay Duminurog, lungsod sa Talakag, Bukidnon.

Ang mag-agaw giilang sila si Romnick Lundaan ug Jamal Talautao, pulos hingkod ang edad ug residente sa dapit.

Sa inisyal nga imbestigasyon sa kapolisan sa Talakag Police Station sa pagpangulo sa hepe nga si Police Senior Inspector Jessie Lasdose, nasayran nga kining mga biktima kalit lang gipamusil og shotgun sa wala mailang suspetsado ug human sa tinguha misibat paingon sa wala matinong direksyon.

Matud ni Lasdose nga makonsidera kini nilang isolated nga kaso gumikan kay personal kini nga bangi ug sa pagkakaron hugot pa nilang giimbestigahan kon unsa gayud ang mga kalambigitan sa mga biktima nganong gipamusil.

"Naningkamot kita nga maresolba kini nga kaso." matud ni Lasdose.

Giklaro usab ni Lasdose nga una kining kaso sa pagpamusil sa dapit tungod kay pabiling malinawon ang lugar.

Gipatik sa mantalaang Superbalita Cagayan de Oro Nobyembre 10, 2017.

View Comments