Mag-uyab gihulgang patyon sa kanhi uyab sa babaye | SunStar

Mag-uyab gihulgang patyon sa kanhi uyab sa babaye

Time to read
less than
1 minute
Read so far

Mag-uyab gihulgang patyon sa kanhi uyab sa babaye

Thursday, November 09, 2017

GIKABALAKA sa manag-uyab ang hulga sa kanhi uyab sa babaye human kini sila gihulga niadtong milabay nga adlaw sa RER Phase 1, Kauswagan, dakbayan sa Cagayan de Oro.

Nagpatala si Joseph Ian (bansagon gitago), 25, ulitawo ug residente sa Iponan alang sa iyang hinigugma nga si Jamaica Mae (bansagon gitago), 21, dalaga human hulgaa sa kanhi uyab nga si Jill Apal, 23, ulitawo ug lumulupyo sa Amoros, El Salvador City.

Sa impormasiyon nga nahipos gikan sa kapolisan sa Police Station 4 (PS4) sa Carmen nga nabalaka kini human nga gihulga ni Apal ang kanhi uyab nga si Jamaica Mae ug giingnan nga “mamatay mong duha sa akong kamot”.

Gikabutyag nga nasuko kining si Apal human nga aduna nay bag-ong hinigugma si Jamaica Mae ug posibleng wala pa kini nakadawat sa nahitabong panagbulag.

Ang insidente ang nakatala na sa buhatan sa kapolisan alang sa tukmang disposasiyon.

Gipatik sa mantalaang Superbalita Cagayan de Oro Nobyembre 10, 2017.

View Comments