Misortel dili pasirad-an | SunStar

Misortel dili pasirad-an

Time to read
1 minute
Read so far

Misortel dili pasirad-an

Thursday, November 09, 2017

DAW aduna pay paglaom nga masalbar ang nagkagrabeng kondisyon sa Capitol-owned Misamis Oriental Telephone System (Misortel).

Kini ang gibutyag ni Misamis Oriental Governor Bambi Emano ug miingon nga pasagdan nalang unta kini apan daw dunay mga tao nga interesado nga ma-improve kini.

“We want to let go Misortel, but someone from above would not want us to shut it down because there are still people who are interested to improve our telephone system,” pasabot sa gobernador.

Gipasabot niini nga ang kagamhanan sa probinsya dili na unta makasustiner sa Capitol-subsidized firm gikan sa operasyon sama sa salary expenses nga moabot og P12 million matag tuig.

“Nakigpulong ako sa akong amahan, si kanhi Governor ug Mayor Dongkoy kabahin sa pagpasira sa Misortel. Dugay kaayo siya mitubag kanako.
Pasalamat lamang ako tungod kay iya nang gidawat nga ma-shut down na ang MIsortel tungod kay maglisod na gayud ug subsidize ang kapitolyo sa galastuhan," matud niini.

"Pero dili pa gayud diay gihapon itugot nga magsirado na ang Misortel tungod kay duna man karon nagpakita ug interest nga mag-improve sa Misortel,” pamahayag pa niini.

Kahinumduman ang kagamhanan kaniadto ni Governor Vicente Emano uban sa iyang vice governor nga si Mike de Jesus ang maoy instrumento nga matukod ang labing unang telephone system sa Misamis Oriental.

Ang inisyal nga pagkasabot sa bag-ong investor kinsa dili pa manganlan ning panahona ang giingong nipasalig nga walay bisan usa ka sentimo nga gastuhon ang kapitolyo aron mapalambo ang MisOrtel.

“The agreement is 60-40. So it’s favorable to the Provincial Government because we will not spend yet we will earn,” dugang niini. SVB

Gipatik sa mantalaang Superbalita Cagayan de Oro Nobyembre 10, 2017.

View Comments