2 batan-on gibugaw sa online | SunStar

2 batan-on gibugaw sa online

Time to read
less than
1 minute
Read so far

2 batan-on gibugaw sa online

Tuesday, November 14, 2017

DUHA ka mga menor de edad ang na-rescue sa kapolisan mga alas 3:43 sa hapon niadtong Lunes, Nobyembre 13, sa Barangay Tubod, dakbayan sa Iligan.

Usa ka hiniusang entrapment ug rescue operation ang gilusad sa kapolisan sa Women and Children Protection Desk (WCDP-MFU) pangulohan ni Police Superintendent Christine Tan uban ang laing pwersa ug unit sa Iligan City Police Office, Iligan City Social Welfare and Development, ug Iligan City and International Justice Mission (IJM) kalabot sa online nga pagpangabuso sa duha ka mga menor de edad.

Sa operasyon, sapon ang tulo ka mga suspek nga giingong nag-operate niini nga sila Angelo Villaver, 27, taga Tubod, Iligan City; Jezel Rible, 26, taga Bautista, Tubod, Iligan City; ug Angelita Ontolan, 50, residente sa susamang dapit.

Nakumpiska sa operasyon ang upat ka unit sa cellphone, usa ka unit sa Western Digital System Unit; 1 keyboard; 1 mouse; 1 unit PLDT Home DSL; ug upat ka mga speakers.

Nasuta nga kining mga minor ang ipahimo og malaw-ay nga buhat atubangan sa camera ngadto sa ilang kliyente sa laing nasod diha sa online.

Ang duha ka mga menor de edad ang anaa na na-turn over sa ilang tagsa tagsa ka mga ginikanan apan gikatakdang dalahon sa CSWD aron ma proseso.

Kasupakan sa RA 9208 kon child trafficking; ug sekswal nga pagpangabuso ang gikatakdang atubangon sa mga dinakpan nga detinado na karon panahona.

Gipatik sa mantalaang Superbalita Cagayan de Oro Nobyembre 15, 2017.

View Comments