2 nag-videoke gipangdunggab | SunStar

2 nag-videoke gipangdunggab

Time to read
less than
1 minute
Read so far

2 nag-videoke gipangdunggab

Wednesday, December 06, 2017

GUMIKAN lamang sa songbook hinungdan nga gipangdunggab sa wala mailang suspetsado ang duha ka mga lalaki sa Barangay Consolacion, dakbayan sa Cagayan de Oro.

Samaran ang mga biktima nga sila si Sherwin Lansangan, 32 ug Erwin Salodes, 30 nga residente sa Abellanosa Street.

Sa nahipos nga impormasiyon, gikabutyag nga samtang anaa sila si Salodes ug Lansangan sulod sa videokehan ug naglingaw-lingaw kalit lang matud pa nga nisulod ang wala maila nga suspek kinsa lango na sa ilimnong makahubog.

Giingong nasuko matud pa kini gumikan kay wala gipahulam og songbook diin kasamtangang gigamit pa usab sa mga biktima atol sa panghitabo.

Nakaangkon og samad sa kilid si Lansangan samtang nakaangkon si Salodes og samad sa iyang likod agi og dinunggaban lakip na samad sa ulo human gihapak og botelya.

Dali usab nga misibat sa wala matuki nga direksiyon ang nahisgutang suspek kinsa wala pa maila.

Sa pagsulat niini nga balita, pabilin pa nga nagpaalim sa Northern Mindanao Medical Center ning dakbayan ang mga biktima.

Gipatik sa mantalaang Superbalita Cagayan de Oro Disyembre 07, 2017.

View Comments