Nanggukod og sundang gipusil sa pulis | SunStar

Nanggukod og sundang gipusil sa pulis

Time to read
less than
1 minute
Read so far

Nanggukod og sundang gipusil sa pulis

Wednesday, December 06, 2017

MILANDING sa tambalanan ang usa ka lalaki human gipusil na lamang sa pulis ang tiil niini sa naglasong kini sa Barangay Macopa, lungsod sa Claveria, Misamis Oriental.

Giila ang biktima nga si Erwin Amraco, 25, ulitawo, residente sa susamang dapit.

Sa inisyal nga report gikan sa Northern Mindanao Medical Center (NMMC) diin gidala ang biktima, nasuta nga nahadlok na ang pipila ka mga residente tungod kay naglasong kini ug daw nagdala dala og sundang.

Tungod niini, girespondihan kini sa mga polis gikan sa Claveria Police Station apan giingong dili kini gapatoo ug gilakag pa hinuon og sundang ang mga polis.

Rason niini napugos ang polis nga pusilon kini sa iyang tiil nga bahin sa pamasin nga kung dili kini himoun makapanigbas kini sa iyang mga silingan.

Gisuta pa karon kon kining biktimang suspek ang lango sa ilimnong makahubog o aduna bay deperensya sa pangutok.

Sa pagkakaron, unconscious pa ang biktimang suspek nga anaa sa naasoyng NMMC. (SVB)

Gipatik sa mantalaang Superbalita Cagayan de Oro Disyembre 07, 2017.

View Comments