8 ka pulis gihatagan og Medalya ng Kagalingan | SunStar

8 ka pulis gihatagan og Medalya ng Kagalingan

Time to read
1 minute
Read so far

8 ka pulis gihatagan og Medalya ng Kagalingan

Friday, December 08, 2017

WALO ka mga personahe sa Binuangan Police Station ang gihatagan og Medalya ng Kagalingan human ilang naprotektahan ilang buhatan dihang gisulong sa gatusan ka mga sakop sa New People’s Army (NPA) niadtong Domingo diha sa Balingasag, Misamis Oriental.

Ang award gihatag sa pagpangulo mismo ni Philippine National Police (PNP) Chief Directorial Staff Archie Francisco Gamboa, uban nila ni PNP Directorate for Comptrollership Ramon Purugganan, Police Regional Office-Northern Mindanao director Timoteo Pacleb ug Chief Superintendent Rolando Hinanay.

Gipahigayon kini sa Binuangan Municipal Police Station sa Lungsod sa Binuangan, Misamis Oriental.

Ang gipasidunggan mao ang hepe sa istasyon nga mao si Police Senior Inspector Dante T. Hallazgo, Senior Police Officer 4 (SPO4) Lorimer Z. Cabil, SPO1 Ramonito M. Zambas, PO3 Crispin H. Dalugdug, PO2 Necil O. Japuz, PO1 Joshua G Satur, PO1 Laila S. Gumahin tungod sa ilang pakigbatok sa pagpanulong sa NPA niadtong December 3 ning tuig mga alas 3 sa kaadlawon.

Kay napanalipdan man sa maong mga puolis ilang buhatan rason nagpalayo ang NPA.

Gihatagan sab og award ang samaran nga si PO3 Alberto M. Bernabas nga anaa nagpaalim karon sa Capitol University Medical Center, Cagayan de Oro City.

Gawas sa medalya nga nadawat aduna sab kini cash assistance.

Lakip sa gisusi sa kadagkoan sa kapulisan ang damyos sa pagpangatake sa NPA sa buhatan diin namatikdang natusak tusak sa bala ang patrol car, ug ang buhatan, natipak sab ang samin sa bintana sa police station ug natusak sab sa bala ang Philippine flag niadtong pagpangatake.

Sa pagkakaron, padayong nakaalerto ang kapulisan sa posibleng laing pagpangatake sa NPA. (SVB)

Gipatik sa mantalaang Superbalita Cagayan de Oro Disyembre 08, 2017.

View Comments