Cocpo andam mohatag og seguridad sa pamilyang Rotoras | SunStar

Cocpo andam mohatag og seguridad sa pamilyang Rotoras

Time to read
less than
1 minute
Read so far

Cocpo andam mohatag og seguridad sa pamilyang Rotoras

Friday, December 08, 2017

ANDAM matud pa ang Cagayan de Oro City Police Office (Cocpo) sa paghatag seguridad sa pamilya sa gipatay nga si USTP President Dr. Ricardo Rotoras.

Gibutyag ni Police Chief Inspector Mardy Hortillosa kinsa tigpamaba sa Cocpo nga sa pagkakaron wala silay nadawat nga report nga adunay hulga sa kinabuhi sa nahibilin nga pamilya ni Rotoras.

Apan daw ang Cocpo pinaagi sa protective security group andam sa paghatag og seguridad sa pamilya kon sila nagkinahanglan.

Sa pagkakaron gibutyag ni Hortillosa nga upat ka person in interest ang ilang gitutokan ug giimbestigahan nga posibleng dako og kalambigitan sa kamatayon ni Rotoras ning panahona.

Ugmang adlawa giktakadang ihatud sa iyang katapusang kapahulayan si Rotoras.

Aduna sab mga angulo nga ilang gilantaw aron paspas ang kasulbaran sa kaso.

Sa pagkakaron anaa na sa P2.5 milyon ang reward sa makatudlo sa killer ni Rotoras ning panahona human unang mitanyag si Mayor Oscar Moreno og P1 milyon laing P1 milyon gikan sa mason community ug niadtong Miyerkules sa hapon giaprobahan sa local finance committee sa konseho sa siyudad sa Cagayan de Oro ang dugang P500,000 nga reward.

kahinumduman gipusil patay si Rotoras mga alas 1 sa kaadlawon niadtong Disyembre 2 gawas sa ilang panimalay sa Upper Carmen diin nakaangkon kini og walo ka samad pinusilan sa lawas nga maoy hinungdan dead on arrival sa balay tambalanan. (SVB)

Gipatik sa mantalaang Superbalita Cagayan de Oro Disyembre 08, 2017.

View Comments