GIBUTYAG sa kapolisan nga aduna na kini sila’y gisundan alang sa kalamboan sa kaso sa gipatay nga presidente sa dakong tunghaan.
Sa pakighinabi kang Senior Superintendent Robert Roy Bahian atol sa press forum Biyernes sa gabii nga aduna na’y gitutokan ang mga otoridad nga may kalambigitan sa kaso ni Ricardo Rotoras apan dili nila mamahimong mabutyag una sa publiko aron usab nga dili masunog ang ilang imbestigasiyon ug mga follow-up operation.
“Sa ayaw at sa gusto din natin nakikinig yung criminal so gihangyo lang ko ninyo nga dili sa nako ni ipadayag, may mga leads na kami, may sinubaybayan na kami “pahayag ni Bahian.
Nasayran nga misaka na sa P2.5 milyon ang reward sa makatudlo sa suspetsado o sa mipatay sa University of Science and Technology of Southern Philippines (USTP) president nga si Dr. Ricardo Rotoras.
Mahinumdoman usab nga gipusil-patay si Rotoras niadtong milabay nga adlaw diin diha mismo sa atubangan sa ilang panimalay sulod sa Subdivision.
Nakaangkon kini og walo ka mga samad pinusilan sa nagkadaiyang parte sa lawas ug dali pa nga gidala sa balay tambalanan apan wala’y swerteng nakabsan gihapon kini sa hinulamang kinabuhi.
Nahatod na usab ang patay nga lawas niini niadtong Biyernes diha sa Green Hills Memorial Park sa Bulua ning siyudad.
Padayon pa gihapon ang panawagan sa pamilya lakip na sa mga suod niini nga ug halos sa kadaghanan nga makab-ot ang hustisya sa kamatayon niini.