HUGOT nga seguridad ang ipatuman karon sa kapolisan ning pagsugod sa Misa de Gallo sa Simbahang Katoliko.
Gibutyag ni Police Chief Inspector Mardy Hortillosa, kinsa tigpamaba sa Cagayan de Oro City, nga giantisipar na nila karong panahona nga bagang duot sa Romanong Katoliko ang modagsa mga nagkadaiyang simbahan ning dakbayan.
Tungod niini, ila na giandam ang kapolisan nga makabantay sa mga dagkong simbahan sa dakbayan sama sa St. Augustine Cathedral Church ug Nazareno Church.
Gibantayan kining posibleng hulga sa terorismo lakip sa mga dautang elemento sama sa kawatan, mangunguot ug tulisan nga mobantay lamang nga makapangbiktima sa mga manimbahay.
Hangyo ni Hortillosa sa katawhan nga mokooperar kanila sa ilang security measure nga himoun sama sa pagtsek sa mga bag ug kapkap ug hinaot dili kini dauton og pagsabot sa katawhan tungod kay alang lang kini sa ilang seguridad. (SVB)