MOKABAT sa 32 ka units sa submachine gun rifle lakip man truck ang gitunol gikan sa Directorate of Logistics National Headquarters sa Camp Crame.
Kini alang sa Special Weapons and Tactics (Swat) alang sa dakbayan sa Iligan City Police Office, Cagayan de Oro City Police Office (Cocpo); Regional Mobile Forces Battalion ug personahe sa Regional Headquarters.
Ang mga gitunol sama sa 32 ka buok nga submachine gun rifle; 9mm calibre travor X95; 160 ka mga magazine; 11, 520 ka rounds sa CTG 9mm uban iyang mga accesories sama sa 62 ka botelya sa gub oil; 32 ka hard case.
Lakip sa gitunol ang 32 ka mga tactical sling; 32 ka instruction manual; cleaning kit; picatamy rail mount; vertical fore grip; raul hard guard ug allen wrench tools.
Si Police Chief Superintendent Timoteo Pacleb nibutyag nga dako kini nga tabang sa iyang mga sakop nga anaa sa field aron makigbatok sa mga terorista ug ngadto sa mga nalambigit sa kriminalidad.
Pahimangno ni Pacleb sa mga naghupot niining armas nga gamiton ang armas sa insakto nga paagi arin proteksyunan ang publiko.
Si Police Superintendent Lemuel Gonda, kinsa tigpamaba sa PRO-Northern Mindanao, iyang gibutyag nga pipila na lamang dayon ka unit ang magkinahanglan susama niining armas ug mapasalamaton sa giapod apod sa kaulohan alang sa rehiyon. (SVB)