Lalaki gipusil patay sa kainom | SunStar

Lalaki gipusil patay sa kainom

Time to read
less than
1 minute
Read so far

Lalaki gipusil patay sa kainom

Tuesday, January 02, 2018

WALA na naabtan og Bag-ong Tuig ang usa ka lalaki human kini gipusil sa iyang kainom niadtong gabii sa adlawng Domingo, Disyembre 31, diha sa Barangay Dansolihon ning siyudad sa Cagayan de Oro.

Patay diha dayon mao si Edgar S. Hagonao, 29, ulitawo, residente sa susamang dapit.

Sa inisyal nga report, nasuta nga kining biktima ug suspek nga giilang si Junior Daba ang giingong unang nag-inom apan nagbinayloay og dili maayong pulong.

Gumikan niini, giingong kalit lang mikuha og shotgun si Daba ug gipusil ang biktima hinungdan sa pagkaigo sa dughan niini miresulta sa iyang hinanaling kamatayon.

Ang suspek daling misibat human sa insidente apan niadtong Bag-ong Tuig mikasa og operasyon ang kapulisan sa Lumbia, sa pagpangulo ni Police Senior Inspector Gumer Ladera, ug dinhi ilang nadakpan si Daba sa tabang usab sa Barangay Kapitan nga mao si Gilbert Nacalaban.

Ang suspek gidala sab sa balay tambalanan gumikan kay nakaangkon kini og bun-og human gitabangan og kulata sa mga istambay.

Gikatakda sab kining mag-atubang og kasong murder panahon nga makagawas kini sa opital.

Gipatik sa mantalaang Superbalita Cagayan de Oro Enero 03, 2018.

View Comments