Egay Uy out sa RTA | SunStar

Egay Uy out sa RTA

Time to read
less than
1 minute
Read so far

Egay Uy out sa RTA

Wednesday, January 03, 2018

GIHULIPAN na sa iyang pwesto isip chairman sa Task Force Hapsay Dalan si Atty. Edgardo "Egay" Uy nga miipekto niining pagsugod sa bulan sa Enero ning Bag-ong Tuig.

Kini tungod kay kini na ang bag-ong mangulo sa Regulatory and Complaint Board (RCB) karong panahona.

Giingong kamandoan kini mismo ni Cagayan de Oro City Mayor Oscar Moreno aron mahimong epektibo ang ilang paghatod og serbisyo.

Hulip ni Uy mao si retired Colonel ug overseer sa City Disaster Risk Reduction Management Council (CDRRMC) nga si Vernel Monsanto kinsa duha na ang gihuptan.

Dili lamang si Uy ang apektado gumikan kay sa pagretiro usab ni Dionne Gersana isip administrator hulip kaniya karon si Teddy Sabugaa nga maghupot gihapon isip chief sa City Social Welfare and Development Office (CSWD).

Si Armen Cuenca karon ang bag-ong chief sa City Environment and Natural Resources Office (Cenro) hulip ni Edwin Dael nga karon nahimong assistant head sa Public Employment Service Office (Peso).

Nasabtan ni Uy ang paghulip kaniya ug gipugos nga wala siya mibiya niini. Nanghinaot lamang kini nga mas mapahapsay ang dagan sa trapiko sa misunod kaniya labina iyang tutokan karon ang bag-ong tahas nga gihatag sa mayor kaniya. (SVB)

Gipatik sa mantalaang Superbalita Cagayan de Oro Enero 04, 2018.

View Comments