Naghikog kay dili kahibalo modiskarte og babaye | SunStar

Naghikog kay dili kahibalo modiskarte og babaye

Time to read
less than
1 minute
Read so far

Naghikog kay dili kahibalo modiskarte og babaye

Wednesday, January 03, 2018

NAGBILIN pa og love letter ang usa ka lalaki usa naghikot og habol sa iyang liog ug naghikog diha sa Upper Balulang ning siyudad sa Cagayan de Oro.

Si Senior Inspector Mario Mantal, deputy station commander sa Police Station 4 (PS4) sa Carmen, miila sa biktima nga mao si Eric Nale, 17, lumad nga taga lungsod sa Naawan, Misamis Oriental.

Matud ni Mantala nga posibleng naghikog ang biktima tungod kay labihan ang iyang gibating gusto sa usa ka babaye nga dili niya madiskartehan gumikan dili makaingon sa iyang pagbati.

Ang love letter nga nakuha gikan sa biktima ang nag-unod sa iyang dakong pagbati sa usa ka babaye.

Apan migawas ang report nga ang maong babaye gidiskartehan hinuon sa laing lalaki ug naunhan ang biktima.

Hinuon ang kauban sa biktima nakurat sa gihimo niini ug miingon nga hilumon lang gyod si Nale.

Napalgan si Nale nga wala nay kinabuhi naghikot og habol sa iyang liog sulod sa iyang lawak niaging adlaw.

Ang patay'ng lawas sa biktima gikatakdang dalahon sa lungsod nga iyang gigikanan.

Gipatik sa mantalaang Superbalita Cagayan de Oro Enero 04, 2018.

View Comments