Tag-iya sa saag nga bala naila na sa Tagoloan | SunStar

Tag-iya sa saag nga bala naila na sa Tagoloan

Time to read
less than
1 minute
Read so far

Tag-iya sa saag nga bala naila na sa Tagoloan

Wednesday, January 03, 2018

DAKPUNON ang usa ka lalaki nga maoy tag-iya sa saag nga bala nga mitapsing sa kamot sa usa ka residente niadtong kasaulogan sa Bag-ong Tuig diha sa Casinglot, lungsod sa Tagoloan, Misamis Oriental.

Kahinumduman nga natapsingan ang kamot sa biktima nga mao si Jerry T. Arobo, 44, minyo, kinsa niasoy nga nakurat siya ug iyang sakop sa pamilya samtang naglipaylipay sa pagtabo sa Bag-ong Tuig dihang milusot sa atop ang bala ug mitapsing sa iyang kamot.

Si Inspector Albart Tare, kinsa hepe sa Tagoloan Police Station, wala mihunong sa pag-imbestigar kon kinsa ang responsableng nagpabuto og pistola.

Basi sa ilang nagpadayon nga imbestigasyon, nasuta nga usa ka driver nakamatikod sa suspek nga mao si Roberto Gaudian Jr,. residente sa susamang dapit, ang nipataas sa iyang kamot ug nagpabuto sa iyang armas niadtong orasa.

Gipangita sa kapulisan si Gaudian apan dihang adunay nakasulti sa suspek dali kining midagan hinungdan nga gigukod kini sa mga pulis.

Misulay pa og sukol si Gaudian pinaagi sa paghublot sa iyang pistola apan nadigyas siya hinungdan naligid sa yuta. Paspas kining nakabakod ug nabiyaan ang iyang kalibre 38 ug adunay nabilin nga 4 ka mga buhing bala.

Nasayran nga kining suspek adunay standing nga warrant of arrest gumikan sa kaso sa ginadili nga druga.

Karong panahona gikatakda sa kining pasakaan og kasong illegal possession of firearms ug alarm and scandal. (SVB)

Gipatik sa mantalaang Superbalita Cagayan de Oro Enero 04, 2018.

View Comments