Asawa gihanggat og sex sa silingan | SunStar

Asawa gihanggat og sex sa silingan

Time to read
less than
1 minute
Read so far

Asawa gihanggat og sex sa silingan

Friday, January 12, 2018

NIDANGOP ang usa ka asawa human nga gihanggat matud pa kini sa silingan og pakighilawas niadtong Huwebes mga alas 2:00 sa hapon samtang anaa diha sa ilang Barangay sa Tipolohon, Barangay Camaman-an, siyudad sa Cagayan de Oro.

Ang biktima naila nga si Rona (dili tinuod nga ngalan), 24, minyo samtang ang gireklamo nailang si Lito (bansagon gitago) alyas Bangason, aduna’y kaipon ug residente sa susama nga dapit.

Sa nahipos nga impormasiyon gikan sa kapulisan sa Cogon, gikabutyag nga nidangop si Rona sa tinugyanan sa kapulisan human nga nabalaka ug gibati’g kaulawon lakip na pagka-insulto dihang gihanggat sa silingan nga makighilawas kaniya.

Dako ang kakurat niini human nga gitanyagan kini og P500 pesos baylo matud pa sa pagsugot niini nga makigtagay sa lawasnong kalipay o makig-sex kaniya.

Gidugang pa ni Rona nga nabalaka kini tungod kay wala kini mahadlok bisan paman nga nasayod nga dako kining minyo ug bisan kini mismong gireklamo adunay kaipon ug gawas niana managsilingan ra sila.

Gibati kini pag-ayo og kabalaka, kahadlok ug kaulawon lakip na pagka insulto pag-ayo hinungdan nga mitaho gyud dayon kini sa mga otoridad.

Sa pagsulat niini nga balita, ang maong insidente ang nakatala na sa buhatan sa kapolisan ug giduso na sa Barangay Lupon alang sa tukmang disposasiyon.

Gipatik sa mantalaang Superbalita Cagayan de Oro Enero 12, 2018.

View Comments