Hubo nga hulagway gipakatap | SunStar

Hubo nga hulagway gipakatap

Time to read
less than
1 minute
Read so far

Hubo nga hulagway gipakatap

Sunday, January 14, 2018

POSIBLENG mag-atubang og kaso ang usa ka babaye human nga gipakatag sa social media ang hubo nga hulagway sa asawa sa kanhi kabit niini.

Ang suspetsado nailang si Bridgette (bansagon gitago), 32 ug residente sa Barangay Cugman, dakbayan sa Cagayan de Oro samtang ang biktima naila nga si Charlito (bansagon gitago), 29 ug residente sa Barangay Bonbon.

Sa impormasiyon, gikabutyag nga nasikop ang suspek nga si Bridgette human nagpahigayon ang tinugyanan sa Anti-Cybercrime og entrapment operation.

Giingong pursigido ang biktima nga mopasaka og kaso batok sa suspek human usab nga gipakaulawan kini pag-ayo pinaagi sa pagpakatag sa iyang hubo nga hulagway.

Gidugang pa nga kumbinsido ang magtiayon nga buot lamang sa suspek nga si Bridgette nga magsinamok sa magtiayon ug magpasustinto human usab nga nakabaton kini og anak sa bana sa biktima kinsa anaa na sa unom ka bulan ug nibalik na sa asawa ang lalaki.

Mag-atubang sa posibleng kaso nga Anti-Photo and Video Voyeurism Act of 2009 ug extortion matud pa ang suspek human kini nasikop sa mga otoridad.

Gipatik sa mantalaang Superbalita Cagayan de Oro Enero 14, 2018.

View Comments