GITOUHANG nabuak ang ulo sa usa ka lalaki human nahulog sa kanal ang gimanehong motorsiklo niadtong Sabado sa gabii, January 13, diha sa Pasil Road, Kauswagan ning siyudad sa Cagayan de Oro.
Sa pakisusi sa tinugyanan sa Roads and Traffic Administration (RTA) ang biktima nga giilang si Orlan Burial, hingkod ang edad, taga Pagatpat ning siyudad sa Cagayan de Oro, ang nakitang nagbuy-od sa kanal uban sa iyang motorsiklo.
Giingon sa mga nakasaksi nga kalit lang mitipas ang motorsiklo niini paingon sa kanal nga bahin ug nahulog ang biktima hinungdan maayong pagkabunal sa ulo niini nga gitouhang nabuak.
Gidala ang biktima sa doul nga balay tambalanan diin nakabsan kini sa iyang kinabuhi. (SVB)