Oro walay labot sa calamity loan sa SSS? | SunStar

Oro walay labot sa calamity loan sa SSS?

Time to read
less than
1 minute
Read so far

Oro walay labot sa calamity loan sa SSS?

Friday, January 19, 2018

BISAN nga ubos sa state of calamity ang siyudad sa Cagayan de Oro, giingong dili mahimong makabenipisyo sa calamity loan ang mga nabahaan sa siyudad ngadto sa Social Security System (SSS).

Gibutyag ni Konsehal George Goking nga nagpaabot na sila ngadto sa buhatan sa SSS nga ubos sa kalamidad ang siyudad ug gikinahanglan ang calamity loan sa mga residente nga biktima sa paghapak sa Bagyong Vinta diin labihan ka daghan ang naapektuhan.

Apan Si SSS Assistant Vice President and Officer-in-Charge for Northern Mindanao Division Edwin Alo nibutyag nga nakadawat sila og kopya sa resolution ug gipasa sa ilang regional disaster risk reduction management tungod sa ilang mga empleyado nga wala niadto panahon sa bagyo apan miabot sa ilang buhatan nga dili lakip ang siyudad sa Cagayan de Oro nga mahimong makaloan sa calamity loan.

Giklaro niini nga posibleng adunay communication lapses ug karon ilang ipaniguro nga maatiman kini aron maapas didto sa kaulohan.

Gibutyag ni Alo nga ilang gikoordinar ang City Council kon unsa ang mga endorsement ang ilang mahimo aron mapursue moabot nga lista sa national tungod kay ang basihan nga lista nagikan man sa komisyon didto sa nasyunal usa mahatagan og senyales ang buhatan nga mahimo na dayon maka loan ang mga residente nga miyembro sa SSS nga apektado sa bagyo.

Kini human wala migawas sa listahan nga mamahimong makaloan og calamity ang mga miyembro denhi sa siyudad sa Cagayan de Oro gumikan lamang sa communication lapses.

Gipatik sa mantalaang Superbalita Cagayan de Oro Enero 20, 2018.

View Comments