PORMAL nga buksan ang kalihokan alang sa kasaulogan sa Chinese New Year karong mga alas 5 sa hapon Sabado, Pebrero 10, sa Mini park sa City Hall.
Gilambigitan sa Chinese community ang maong kalihokan diin aduna’y mubo nga programa aron kini pormal nga buksan.
Dunay ipahigayon nga Lion and Dragon dance sa Kong Hua School, Philippine National Anthem sa City Hall Choral, welcome address ni Hon. Rainier Joaquin Uy, City Vice Mayor ug sundan sa prersentasiyon sa Oro Christian Grace School.
Mohatag usab og mensahe si Mr. Hong See, sundan sa Wushu-CDO, Wushu Asso. sa ilang performance ug ulahi nga mohatag og mensahe si Mayor Oscar Moreno diin tapuson kini sa performance sa Kong Hua School.
Buksan usab pagbalik ang Symphony of Lights sa City Hall atol sa opening sa Chinese New Year diin giingong kini gihaom na usab sa kasaulogan ang pa tsada niini nga mga lights.
Nasayran nga ang mismong kasaulogan mao gayud sa Pebrero 16 diin adunay motorkada ug sa petsa 15 sa gabii aduna’y fireworks display sa Bell Church ug ang motorkada sa mismong adlaw sa Chinese New Year.
Gi-aghat usab sa lokal nga panggamhanan sa City hall nga mosaksi sa maong opening program ug sa tibuok nga kasaulogan sa Chinese new year.
“Atong gidapit ang tanan sa pag-enjoy ani na kalihokan, atong partner dinhi atong Chinese community and we would like to thank them also for their support and cooperation niini nga mga kalihokan nato alayon sa Chinese New year” pahayag ni Maricel Casiño-Rivera ang tigpamaba sa City Hall.
Gidapit ang katawhan sa dakbayan sa pagsaksi unyang hapon diha sa mini-park sa City Hall mga alas 5 sa hapon.