Jail officer tiklo sa drug bust | SunStar

Jail officer tiklo sa drug bust

Time to read
less than
1 minute
Read so far

Jail officer tiklo sa drug bust

Tuesday, February 13, 2018

TIKLO ang usa ka sakop sa Bureau of Jail Management and Penology (BJMP) human sa drug bust nga gipahigayon sa kapulisan mga alas 6 sa gabii niadtong Martes sa Barangay 34, dakbayan sa Cagayan de Oro.

Malampusong nasikop sa kapulisan sa Police Station 3 (PS3) sa Agora ang suspetsado nga nailang si Jail Officer 3 Arvien Ybañez, 45, ulitawo ug residente sa Zone-5, Barangay Bulua nga kasamtangang nadestino sa city jail sa Lumbia.

Sa impormasiyon nga nahipos gikan sa kapulisan sa PS3 sa Agora nga mitaho sa ilang buhatan ang ilang impormante kalabot sa pagdagsang sa mga illegal nga kalihokan sa maong dapit hinungdan nga gi-aksyionan dayon sa kapolisan.

Nagpahigayon ang operatiba sa PS3 og operasiyon hinungdan nga nasikop ang suspek human malampuson nga napalitan ginamit ang P500 nga drug bust money si Ybañez.

Sa pagsulat niini nga balita, kasamtangang anaa sa mini-cell sa PS3 ang suspetsado.

Gipatik sa mantalaang Superbalita Cagayan de Oro Pebrero 14, 2018.

View Comments