Pipila ka lungsod sa MisOr apektado sa Bagyong Basyang | SunStar

Pipila ka lungsod sa MisOr apektado sa Bagyong Basyang

Time to read
less than
1 minute
Read so far

Pipila ka lungsod sa MisOr apektado sa Bagyong Basyang

Tuesday, February 13, 2018

GIBAHA ang pipila ka mga bahin sa lungsod sa Misamis Oriental human nihapak ang Bagyong Basyang niadtong Lunes, alas 11 sa buntag sa Cortes, Surigao del Sur.

Bisan og dili direktang mitugpa ang bagyo sa maong dapit apan mihatag kini og kabalaka sa mga residente sanglit miresulta man kini sa pagbaha sa pipila ka bahin sa Misamis Oriental.

Matud ni Provincial Disaster Risk Reduction Management Department Head Jun Dy nga gibaha ang pipila ka bahin sa lungsod sa Magsaysay, Gingoog City, Medina, lungsod sa Talisayan, Balingoan, Kinoguitan, Salay, Balingasag ug Lagonglong.

Adunay paglapaw sa tubig sa mga sapa ug pagsinati sa mga gamay nga pagdahili sa yuta sa Barangay Pangpangon, lungsod sa Talisayan.

Dugang ni Dy nga pipila ka mga residente ang nibakwit na.

Gani naglisod sila sa pagpabakwit karong panahona gumikan kay niadtong Bagyong Vinta daw daghan sa mga residente ang mireklamo kay napalaw.

Niadtong Lunes gipaubos na sa storm cignal warning no.2 ang Misamis Oriental.

Hinoun nakaalerto ug nakaand na ang mga ekipo ug mga inisyal nga tabang alang sa mga nabahaan ang Misamis Oriental.

Niadtong gabii sa adlawng lunes nimando na si Misamis Oriental Governor Yevgeny Vincente Emano sa suspensyon sa klase sa tanang level sa pribado ug publikong tunghaan. (SVB)

Gipatik sa mantalaang Superbalita Cagayan de Oro Pebrero 14, 2018.

View Comments