SIBAGAT, Agusan del Sur – Usa ka taas nga opisyal sa New People’s Army (NPA) ang nadakpan niaging adlaw sa Barangay El Rio, Sibagat, Agusan del Sur.
Giila kini nga mao si Pablito Campos o mas nailang si Batik ug Ponsoy, 40, usa ka front secretary, political officer sa Guerrilla Front 21A ug tigpamaba sa Sub Regional Committee of Westland of Northeastern Mindanao Regional Committee (NEMRC) ug anaa na sa 20 ka tuig sa kalihokan.
Nasikop kini sa hiniusang pwersa sa 3rd Special Forces Battalion (3SFBn) ug Philippine National Police (PNP) Sibagat.
Narekober gikan sa posisyon niini ang usa ka M4 rifle,usa ka fully loaded long magazine, tulo ka cellular phones, usa ka backpack nga adunay sulod hand grenade ug mga personal nga gamit nga gikostudya na karon sa 3rd Special Forces Battalion.
Nasuta nga si Campos maoy responsable sa pagpang-ambush sa personahe sa PNP Sibagat niaging tuig nga apan wala sila milampos ug napatyan og ilang usa ka sakop.
Aduna sab kini walo ka mga ,warrant of arrests sa kasong rebellion, frustrated murder, murder, multiple attempted murder, kidnapping ug serious illegal detention nga giisyu sa nagkalain laing Regional Trial Court branches sa Lianga, Surigao del Sur ug Bayugan City.
“Pablito Campos’ apprehension is a big setback for the NPA terrorists in Caraga Region knowing that he is the brain of Front Committee 21A. He decides on which companies and personalities are for extortion and abduction. Further, he is the top propagandist and recruiter in the hinderlands of Sibagat, Bayugan and San Miguel of Agusan del Sur, the root of terrorism in the areas of Agusan del Sur. GF21A will soon experience blind leadership and eventually the downfall of the said front,” kini ang bug-at nga pahayag ni Major General Ronald Villanueva, commander sa Army’s 4th Infantry Division.
Lauman pa ang sunod sunod nga pagpangsikop sa mga kasundalohan sa mga walhong grupo labina nagpadayon ang ilang mga operasyon. (SVB)