MAPASALAMATON si Kagawad Edna Dahino human nga na-aprobahan sa konseho ang gidusong ordinansa sa paghatag og proteksiyon sa mga kabataan sa dakbayan sa Cagayan de Oro.
Atol sa gipahigayong regular nga session, gi-aprobahan sa konseho ang gidusong ordinansa sa paghatag og proteksiyon sa kabataan 2018-28 o Child Protection law.
Sa pakighinabi ngadto kay Kagawad Dahino, gikabutyag nga dako kaayo ang pasalamat niini human na-aprobahan kini sa konseho diin tumong og tinguha ang maprotektahan ang mga kabataan ug makatabang sa mga otoridad aron nga mapasayon kanila ang pagsikop sa mga makalapas niini.
“Nagpasalamat gyud ta kaayo nga nasuportahan sa 18th council ang atong tinguha nga maproteksiyonan ang atong kabataan about sa trafficking” pahayag ni Kagawad Dahino.
“Tinguha nga ,again ang mga preventive measure tinguha nato nga magamit sa atong kapolisan sa atong local nga tinguha ma proteksiyonan ang atong mga kabataan, tungod kay naghunahuna ta nga base sa mga data karon nga number 2 ta sa Northern Mindanao ug sa tibuok nasud ika upat kita” dugang pa niini.
Matod pa ni Dahino nga dako kaayong tabang ang maong rdinansa alang sa mga otoridad aron maproteksiyonan sab sila diha sa pagpatuman sa maong ordinansa o lokal nga balaod.
“Of course ang atong tuyo nga makatabang ta sa mga kapolisan, mga enforcers nga magamit ang kani nga lokal nga balaod nga dili na, detalye man ni siya para nga mosabay, mohaom sa atong national law” dugang pa niini.
Ang maong ordinansa o lokal nga bala-od magamit sa mga otoridad diin maisugon sila sa pagpatuman o magpa-implementar niini, gumikan kay naa nama’y proteksiyon gikan sa local law.
“Yes naa naman na, civil law, so kani nalang gyud ang ato is more on apprehending or protecting our children nga dili intawon ma trafficked, dili ma force og asa dapit,force labor,mga prostitution mao na atong gi proteksiyonan ang basic core sa atong society, ang pamilya,” dugang pasabot niini.
Nasayran nga tumong ug tuyo gayud niini nga mapa-implementar sa mga otoridad ang National law pinaagi usab sa lokal nga balaod aron malikay ang mga kabataan sa trafficking sama sa prostitution, force labor ug uban pa nga pagpangabuso sa mga kabataan.