MOKABAT sa 669 nga slots ang gihatag sa probinsyal capitol sa Special Program for Employment of Students (Spes) sa mga kabatan-unan.
Muabot na sa 429 nga slots ang nahatagan niini.
Gibutyag ni Zorabel Wabe, kinsa head sa Provincial Employment Services Office (Peso), nga ang napiliang mag summer job, magsilbing job placement facilitator sa ilang tagsa-tagsa ka mga lugar.
Matud niini, sa niaging katuigan nakita ni Governor Yevgeny Vincente Emano nga taman lamang ang mga ga summer job hinungdan gihimuan sila og trabaho nga makatabang sa nagkinahanglan og trabaho.
“Ang ilang trabaho mangita sila within sa ilang area or outside sa ilang area sa nagkinahanglan og trabaho like laborer, farmer ug unsa pa diha ug sila maoy mohatod didto sa kadtong fit ato nga trabaho,” matud ni Wabe.
Dugang niini nga mahimo sab sila mangita og establisemento nga nag-hiring og trabaho ug motabang sa pagpasulod sa fit niini nga trabaho.
“Ilang tabangan ang mga job seekers kay ang gusto ni Governor Bambi, samtang nagtrabaho sila nakatabang sab sila sa nagkinahanglan og trabaho,” dugang ni Wabe.
Karong Mayo 8, ipahigayon sa gymnasium, lungsod sa Talisayan ang orientation sa mga ga-summer job sa este. Samtang sa weste, lungsod sa Laguindingan, Moresco Compound.
Gikatakdang matapos ang summer job sa Hunyo diin ang trabaho muabot og 20 days.
Adunay culmination program, higayon sa pagtunol sa ilang suholan.
Muhatag sab og special award si Governor Bambi og duha ka mapiling summer job nga adunay daghang napasulod o natabangan sa pagpanarbaho.
Matag usa kanila makadawat og P4,000 ug scholarship ubos sa ‘Iskolar ko ni Bambi.’
Gikinanhanglan lamang sila og 15 ngadto sa 30 pangidaron nga mga estudyante ug mahimo sab ang out of school youth (OSY) sa pagabli sa klase ang mag enroll.
Ang suholan sa mga summer job sa Governor's slot muabot og P5,444 samtang duna sab 250 ka slot alang sa este ug weste nga bahin sa Misamis Oriental nga ihatag sa Department of Labor and Employment (Dole) nga mobalor og P3,629.
Gipasabot sab ni Wabe nga adunay mga lungsod nga makawadat og sweldo nga governor's slot lamang kay limitado lang ang gihatag sa Dole karong tuiga.
"Last year kadtong nahatagan sa Dole, wala na karon, kay gipasabot na sila nga ihatag na sab ang slot sa wala nahatagan last year, matud ni Wabe.
Gipasabot niini nga mahimong moaplay ang taga dakbayan sa Cagayan de Oro kay dili mopili si Governor Bambi sa mo trabaho, ang importante aduna kini matabangan.
Apan sa pagkakaron limitado nalang kaayo ang nahibilin nga slots ug sa mga bout nga moaplay matag Lunes.
Atol sa Peoples Day kini ipahigayon, diin mismong si Governor Bambi ang modawat niini.