35 anyos nakuhaan og shabu

NAGTINGKAGOL sa prisuhan ang usa ka lalaki human nasapon sa buy bust operation sa Philippine Drug Enforcement Agency (PDEA) Regional Office 10 gipangulohan ni director Edwin F. Layese niadtong Miyerkules mga alas 3:00 sa hapon sa Zone 3, Baloc-Baloc, Puerto, ning siyudad sa Cagayan de Oro.

Nasikop si Angelito Beter, 35, minyo, residente sa sususamng dapit ug usa ka jobless.

Giaresto si Beter human namaligya og usa ka silyado nga pakete nga gituohang adunay sulod white crystalline substance nga gituohang shabu ngadto sa PDEA undercover agent.

Ang kalampusan sa operation tungod usab sa walay hunong nga tabang ug kooperasyon sa kumunidad pinaagi sa paghatag og impormasyon nga unang gi-verify sa PDEA.

Lakip nga nakuha sa posisyon sa suspetsado ang duha ka mga aluminum foil strips nga adunay shabu residue, duha ka mga aluminum foil tooters, usa ka improvised tooter nga aduna usab shabu residue ug tulo ka mga transparent plastic sachets.

Kasamtangan nga nagtingkagol sa prisuhan ang suspetsado samtang ang mga nakuhang illegal paraphernalia natigayong dalhon sa PNP Crime Laboratory alang sa pagsusi.

Kasong nakasupak sa RA 9165 ang giandam nga ipasaka batok sa suspetsado. (SVB)