7 anyos nalumos, patay

-A A +A

Sunday, October 10, 2010


NAKABSAN sa kinabuhi ang 7 anyos nga batang babaye human nalumos kagahapon mga alas 6:45 sa buntag sa Barangay San Pedro, lungsod sa Opol, Misamis Oriental.

Giila ang biktima nga mao si Claire Jabiguiro, 7, lumad nga taga lungsod sa Lantapan, Bukidnon.

Nasayran gikan sa personahe sa Northern Mindanao Medical Center (NMMC) nga nahinabi sa Sun.Star Superbalita nga gidala sa maong tambalanan ang biktima human nanglagom na dihang nalumos.

Nasayran nga nahidangat sa lungsod sa Opol ang pamilya kay nag-overnight pagpangaligo sa dagat.

Ang magulang nga igsuon sa biktima maoy gibilin sa ginikanan nga bantayan ang manghod niini kung maligo apan nalimtan sa igsuon pagtan-aw kay nalingaw usab sa pakigsulti sa mga ig-agaw.

Nakurat na lamang ang mga paryente ug ginikanan dihang nagkapa-kapa na ug nangayo og tabang ang 7 anyos.

Gidali pagtabangn apan naluya na ang biktima ug gitouhang daghan na ang nainom nga tubig hinungdan nga daling gidala sa NMMC ning siyudad sa Cagayan de Oro.

Hinuon natabang pa dihang gidala mga alas 6:00 kapin kagahapon apan mga alas 8:30 sa buntag wala naagwanta sa bata ug nakabsan kini sa iyang kinabuhi sulod sa emergency room.

Ang inahan sa biktima nagsige og hilak ning panahona ug dili pa makadawat sa nahitabo sa anak. Subo usab ang paryente nga manguli sa Bukidnon tungod sa wala gilauman nga insidente. (Stephanie V. Berganio)

Gipatik sa mantalaang SuperBalita Cagayan de Oro Oktubre 11, 2010.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cagayan de Oro's front page for July 21, 2014
Sun.Star Jobs
  • SunStar Celebrity
  • goodearth
  • Calamity Report
  • Festivals
  • Sun.Star Zup!
  • Sinulog
  • Pnoy
  • Filipino Abroad
  • Obituary
  • Sunstar Multimedia
  • ePaper
  • Technology
  • Habemus Papam
  • tell it to sunstar
  • Philippine Polls
  • Pacman blog