7-anyos nalumos, patay

NAPALGAN na lamang nga naglutaw ang usa ka bata ug wala nay panimuot niadtong Huwebes sa hapon sa Villagracia, Bonbon, siyudad sa Cagayan de Oro.

Patay na nga nahidangat sa Northern Mindanao Medical Center (NMMC) si Joshua Paalam, 7, taga Zone-10, Upper Carmen ning siyudad.

Base sa impormasyon gikan sa NMMC, gisaysay sa inahan sa biktima nga si Jocelyn nga nakurat na lamang kini sa dihang napalgang naglutaw na ang biktima.

Gikabutyag nga igo lang unta nga magkuha ang inahan niini og sinina sa maong biktima aron kini mailisan.

Gipabantayan una kini sa mga magulang apan naalingahan kini ug wala mabantayi nga niadto sa lawom nga bahin hinungdan sa pagkalumos niini ug walay swerteng nakabsan gayud sa hinulamang kinabuhi.

Sa pagsulat niini nga balita, ang patay nga lawas sa biktima ang giatiman na sa nahabiling pamilya niini. (KCS)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph