Concert na-stampede, 3 angol
-A A +ASunday, November 14, 2010
TULO ang nangaangol ug pulos nilanding sa balay tambalanan human nahitabo ang giingong stampede atol sa concert nga gipahigayon niadtong Biyernes sa gabii sa Limketkai Parking Lot, Lapasan ning siyudad sa Cagayan de Oro.
Giila ang mga naangol nga mao sila si Moises Nuestro, 29, ulitawo, lumad nga taga Manila; Julie Adaya, 17, dalaga, taga San Lazaro, Lapasan ning siyudad ug Rex Mosqueda, 30, minyo, taga Lapasan ning siyudad.
Nasayran nga nanan-aw ang mga biktima og concert sa lain laing grupo sa
banda nga gikan pa sa kaulohan niadtong gabhiona dihang nagpunsisok ang kadaghan sa tawo.
Naipit ang mga biktima mga alas 9:21 sa gabii hinungdan nga dali nga gipangdala sa Northern Mindanao Medical Center (NMMC).
Si Adaya giingong nalisa human gibati ug sakit sa nagkadaiyang parte sa kalawasan, samtang si Mosqueda nakuyapan niadtong tungora.
Sa pagsulat ning balita luwas na sa makuyawng kahimtang ang biktima ug nakagawas na sa balay tambalanan. (SVB)
Gipatik sa mantalaang SuperBalita Cagayan de Oro Nobiembre 15, 2010.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
