Dalagita gitabangan og kulata

NILANDING sa balay tambalanan ang usa ka dalagita human giingong gikulata sa tulo ka mga lalaki niadtong Lunes mga alas 7:00 sa gabii sa Lapasan, ning siyudad sa Cagayan de Oro.

Giila ang biktima nga mao si Jasrel Rose, bansagon gipugngan, 14, sa susasamang dapit ang gitabangan og sukmag sa tulo ka mga lalaking batan-on apan wala maila ang mga pangalan.

Gisaysay sa igsuon niini nga nagkabikil lang sa estorya ang hinungdan apan kalit lang gitabangan og sukmag ang iyang igsuon hinungdan sa pagkabun-og sa nawong, tiyan ug hawak sa biktima nga giingong gisipa pa sa mga suspetsado.

Usa sa mga suspetsado naila lamang sa hitsura ug giingong kanhi nanguyab sa biktima apan giingong wala gisugot.

Posibleng usa sa hinungdan sa pagpanukmag.

Dali sab dayon nga ningsibat ang mga suspetsado human sa insidente.

Nagpatabang ang biktima kuyog ang igsuon sa Police Station 3 (PS3) sa Agora ug kasamtangan pa nga giimbestigahan sa Womens and Children Protection Desk (WCPD) ang hitabo.

Ang biktima gidala usab sa kapolisan sa Northern Mindanao Medical Center (NMMC) aron patambalan human ubay-ubay nga bun-og ang naangkon.

Sa pagsulat ning balita, padayon pa nga giobserbahan sa mga doktor ang biktima. (SVB)