PDEA-10 gihagit sa Cocpo

GIHAGIT sa Cagayan de Oro City Police Office ang Philippine Drug Enforcement Agency (PDEA)-Northern Mindanao nga estoryahan ang nigawas nga taho nga may kalambigitan sa pipila ka mga polis tali sa ilegal nga druga ning siyudad.

Si Col. Edwin F. Layese kinsa regional director sa PDEA-10 nibutyag atol sa interbyu sa usa ka sibyaan sa radio nga aduna silay libro ug sulod niini mao ang listahan sa pipila ka mga polis ning siyudad nga naglambigit sa ilegal nga kalihokan.

Kini human bag-o lang nasikop ang ikaduha ug notadong drug pusher ning

siyudad nga mao si Danilo Macapayag.

Nasayran nga si Macapayag nihatag og impormasyon nga dili lamang siya ang nalambigit niini apan pipila ka mga polis ning siyudad nga kaila niini.

Sumala sa alegasyon ni Macapayag nga ang maong mga polis pa ang mo-escort kaniya panahon nga magdala siya og ilegal nga druga ingon man mogamit pa ang maong mga polis.

Si Layese nibutyag nga dili pa ikabutyag ang mga pangalan sa maong mga polis apan anaa na kini sa iyang listahan.

Samtang dihang nadungog ni Police Superintendent Antonio Montalba kinsa city police deputy director sa Cocpo ang maong taho gibutyag niini nga wala siya nadismaya sa maong expose apan gipaabot niini nga dili maayong ipahayag sa kahanginan ingon man bisan asang media outlet kay mahimo man lang kini nga maestoryahan.

Gibutyag usab ni Montalba nga mahimo usab nga ihatag sa PDEA ang kopya sa mga listahan ug mga pangalan aron maimbestigahan mismo sa ilang buhatan.

Nitambag si Montalba nga estoryahan ang tanan ug lingkuran sa dili na

ipahayag sa kahanginan.

"Kung ato mang gud ipahayag sa kahanginan, dili na noun sila madakpan kay makabantay naman," dugang ni Montalba atol sa interbyu sa dxIf Bombo Radyo.

Gisaway usab niini nga ang listahan karaan na kayo nga istilo ug kung ang rebelasyon lamang sa dinakpan maoy gisaligan pagduda ra gihapon ang tanan.

Gibutyag usab niini nga mas daghan pa ang nadakpan nga mga drug pusher sa sakop sa Cocpo kon itandi sa nadakpan sa mga sakop sa PDEA. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph