Technician napalgang patay

USA ka lalaki ang napalgang patay sulod sa lawak niini niadtong Martes mga alas 3:00 sa hapon sa Barangay Carmen ning siyudad sa Cagayan de Oro.

Giila ang biktima nga mao si Noel Galindez, 32, adunay kapuyo ug duha ka mga anak, residente sa dapit ug nagtrabaho isip technician sa Nestle Philippines, ning siyudad.

Si SPO2 Fernando Laspo¤a sa Police Station 4 (PS4) sa Carmen nga nahinabi sa Sun.Star SuperBalita ug usa sa mirespondeng polis sa hitabo niingon nga nanglagom na nga nakita nila ang patayng lawas sulod sa lawak.

Ang amahan sa biktima ug igsuon niini ang unang nakakita sa patay’ng lawas sa biktima apan wala silay pagduda nga naghikog kini tungod kay maayo man ang relasyon niini sa pamilya.

Ang pagtuo sa pamilya nga gi-urom ang biktima labina nga init ang lawak niini ug natulog usab kini niadtong tungora.

Apan adunay mitumaw nga taho nga milakaw ang kapuyo niini ug miadto sa kaulohan apan gipasabot sa inahan sa biktima nga ang paglakaw sa asawa dili tungod kay nag-away sa iyang anak apan mibista lamang sa iyang pamilya sa kaulohan ug mouli ra usab ning bulana aron dinhi magsaulog sa Pasko.

Ang kapolisan nitambag nga ipa otopsiya ang patay’ng lawas sa biktima aron masuta kung wala bay foul play sa kamatayon ninini labina migawas gyod ang taho nga naghikog ang biktima.

Gani ang mga polis dili usab makatuo nga naghikog kini kay wala silay nakitang mga butang nga maoy gigamit sa pagpakamatay. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph