Frias: Daug ang Cavs sa replay | SunStar

Frias: Daug ang Cavs sa replay

Time to read
less than
1 minute
Read so far

Frias: Daug ang Cavs sa replay

Wednesday, June 14, 2017

KATONG gasubo pa sa kapildehan sa Cleveland Cavaliers, naa ko’y gamay’ng tambag nga kamo makahungaw sa inyong gibati.

Pwede kamo magkomedya og post sa Facebook o uban social media nga buhi pa ang Cavaliers aron makapanabla kamo batok sa nagpista nga mga fans sa Golden State Warriors.

Ubay-ubay ang ni-react sa akong komedya niadtong nakaeskapo ang Warriors kontra sa Cavaliers sa Game 3.

Akong gi-post sa Facebook: daug ang Cavs sa replay. Ug sa ubos, mao ang ubay-ubay nag-react.

“Two words: fake news!” gikan kang Andrew Neri, kinsa ang kanhi sentro sa Xavier University Crusaders.

“Fake news” matod ni kanhi Barangay Consolacion kagawad Cesar Pagapulaan Jr.

“Ayaw ana Kap,” komento ni Catrina June Pong-Bioncog, kinsa ang presidente sa Cagayan de Oro Women’s Basketball Association.

“Ha?” gikan kang Aladino Diez sa Davao City.

Kung dili pa gayud madala ang inyong gibati, ipahungaw nalang kana agi pagdapig sa kinsa modaug sa kulbahinam nga panagsangka sa city championships sa 2017 Inter-Barangay Basketball Championships karong Huwebes, Hunyo 15.

Kita ta didto ug ipahunghaw. Go Warriors, este, go Cavs next year!

Gipatik sa mantalaang Superbalita Cagayan de Oro Hunyo 15, 2017.

View Comments