Ancajas modepensa sa Pacquiao-Horn undercard | SunStar

Ancajas modepensa sa Pacquiao-Horn undercard

Time to read
less than
1 minute
Read so far

Ancajas modepensa sa Pacquiao-Horn undercard

Thursday, June 15, 2017

NAAPIL si Jerwin Ancajas sa undercard ubos sa main event fight nga ginganlan “Battle of Brisbane” tali nila World Boxing Organization (WBO) World welterweight champion Manny Pacquiao ug ang Australianong challenger nga si Jeff Horn karong Hulyo 2 sa Brisbane, Australia.

Didto modepensa ang 25-anyos nga si Ancajas sa iyang International Boxing Federation (IBF) World super flyweight nga bakus kontra sa Japanese challenger nga si Teiru Kinoshita.

Si Ancajas, kinsa natawo sa Panabo, Davao del Norte, adunay impresibong boxing record nga 26-1-1 (17 knockouts) win-loss-draw.

Apan dili sab basta-basta ang iyang 31-anyos nga challenger nga si Kinoshita kay dili maglayo ang ilang boxing card nga adunay 25-1-1 (8 knockouts).

Sa niagi, nadepensahan ni Ancajas ang iyang IBF nga bakus agi paghunong kang Jose Alfredo Rodriguez sa ika-pito nga round niadtong Enero 29 didto sa Macau, China.

Naangkon ni Ancajas ang bakus human gipilde niya ang Puerto Rican nga si Mcjoe Arroyo atol sa ilang away niaging tuig.

Gipatik sa mantalaang Superbalita Cagayan de Oro Hunyo 16, 2017.

View Comments