2017 Inter-Barangay Basketball Tournament city championships | SunStar

2017 Inter-Barangay Basketball Tournament city championships

Time to read
1 minute
Read so far

2017 Inter-Barangay Basketball Tournament city championships

Sunday, June 18, 2017

GISAKWAT ni Jhunry Menaling ang Kauswagan ngadto sa 87-80 nga kadaogan sa overtime batok sa Puerto aron angkonon ang under-17 nga titulo sa 2017 Inter-Barangay Basketball Tournament city championships niadtong Huwebes sa Macasandig covered courts.

Nibira si Menaling og 31 puntos aron mobida sab sa daug, samtang si Rance Achacoso ug Loreesh Magsayo nihatag og 8 puntos matag usa.

Niabag sab sila Rene Boy Alisbo ug Jomarie dela Piedra og 7 puntos kada usa.

Gikan sa dikit nga panagsangka sa kataposang quarter, nakabinat ang kauswagan ni Barangay chairman Pedro Balite og 5 puntos nga labaw sa iskor 69-62 sa 1:20 minutos nabilin sa dula.

Wala madugay, naputol sa Puerto ni coach Odong Castellijos ang biya ngadto sa usa nalang, 70-69, sa 1:09 minuto nabilin sa dula.

Nabinat pa sa Kauswagan ang labaw ngadto sa tulo human gikonektar ni Menaling ang duha ka free throws gikan pag-foul sa Puerto sa 8 segundos nabilin sa dula.

Apan, wala tugta sa Puerto nga masirado sa Kauswagan ang dula human gipalumos ni Stanley Bedolido ang buzzer beater nga tres aron matabla ang dula ngadto sa 72-tanan ug mapugos ngadto sa extension.

Nagkadikit pa ang dula sa overtime ngadto sa 79-79 nga tabla, apan nidumala si Menaling alang sa Kauswagan sa nabiling oras sa dula.

Kalit lang namugnaw ang opensiba sa Puerto ug gitugotan nila ang Kauswagan sa pagpangulo ni Menaling pagbinat og 8-1 run paingon sa kadaogan.

Nangulo si Bedolido sa Puerto nga adunay 23 puntos, samtang niabag si Roseldo Detablan og 18 puntos.

Wala kaayo makabuylo pagbinat ang Kauswagan parehas sa niagi nilang mga dula tungod na-kilo ang iyang tiil paglanding niya kang Detablan gikan sa iyang bangis nga lay-up.

Nakakuha siya og foul niadto apan gipugos siya nga ipalingkod sa bench tungod sa injury sa 1:12 puntos nabilin sa ikatulong quarter ug nakabalik lang siya duol minuto sa overtime.

Gipatik sa mantalaang Superbalita Cagayan de Oro Hunyo 19, 2017.

View Comments