GIHAWOD sa Cagayan de Oro City National High School (NHS) ug sa Indahag NHS ang 2017 South district secondary basketball tournament niaging semana sa Nazareth Gym.
Gidominar sa City High Tigers ni coach Bismark Labadan ang secondary boys human giparot nila ang Saint Mary’s School ug Corpus Christi School sa round robin tournament format.
Unang giparot sa Tigers ang SMS Fiat, 64-43, bago pa man gisilyo nila ang titulo agi sa 49-38 nga daug batok sa Corpus Christi School.
Mao ni ang unang district title sa City High sa pipila nila ka tuig pagsalmot.
Naa sila Jomarie dela Piedra ug Jericho Hermoso nangulo sa opensiba sa Tigers.
Gilangkoban sab ang City High nila Jay Reed, Mark Lein, Joshua Gayla, Jerick Ranido, Mark Ranido, Mark Louie Palarca, John Bongcawil, CJ dela Victoria, Paul Vincent Guidaben ug ang magsuong sila Angelo ug Carlo Mercado.
Samtang, gidepensahan gihapon sa Indahag NHS lady Skyhawks ang ilang korona agi pagpilde sa Corpus lady knights.
Sa pikas bahin, naangkon sab sa SMS baby Fiat ni coach Rene Ilogon ang elementary boys title agi sa 42-26 ga paglata sa CCS baby knights.