Jasaan nag-una na sa east | SunStar

Jasaan nag-una na sa east

Time to read
less than
1 minute
Read so far

Jasaan nag-una na sa east

Wednesday, September 13, 2017

NAILOG na sa Jasaan ang liderato sa eastern division human gimansahan nila ang Magsaysay agi sa 114-107 nga daug atol sa 2017 Kuyamis Inter-Municipality Basketball Tournament niadtong Sabado, Septembre 9, sa Upper Jasaan covered courts.

Nibida si Edwin Macapagal, kinsa nihuman og 22 puntos, alang sa kadaogan sa Jasaan.

Gikan sa 94-91 nga labaw sa Magsaysay, gipalunod ni Macapagal ang iyang buzzer-beater nga tres pagtapos sa kataposang segundo sa dula aron mapugos sa extension.

Sa sigeng lakag sa dula, nabali ang hangin ug napabor ngadto sa Jasaan.

“Gikapoy na ang Magsaysay mao nga dili na manulod ang ilang mga itsa,” ingon ni tournament commissioner Dan Jaminal.

Nangulo sab si Butal Real sa Magsaysay nga anaay 50 puntos sa dula.
Nabyaan sa Jasaan ang Magsaysay agi paginat og 20-13 run aron mag-una na sa east division nga adunay 3-1 win-loss record.

Samtang, nahulog ang Magsaysay sa ikaduha nga pwesto duyog sa Balingasag nga parehas anaay 2-1 card.

Sa 18 under, giparot sa Tagoloan ang host Jasaan, 103-84.

Sa volleyball games, nagpakitang gilas ang host Jasaan spikers agi pagparot sa Talisayan sulod sa unang tulo ka set atol sa men’s division.

Nidaug sab Tagoloan lady blockers batok sa Jasaan, 3-2, sa women’s division.

Gipatik sa mantalaang Superbalita Cagayan de Oro Septembre 14, 2017.

View Comments