Jumamil, Langit nanghawod Lanorteman Triathlon | SunStar

Jumamil, Langit nanghawod Lanorteman Triathlon

Time to read
1 minute
Read so far

Jumamil, Langit nanghawod Lanorteman Triathlon

Wednesday, September 13, 2017

GIHAWOD nila Paul Jumamil ug LC Langit ang 3rd Lanorteman Triathlon Series second leg niadtong Domingo, Septembre 10, didto sa Tubod, Lanao del Norte.

Gidominar ni Jumamil sa Team Rider Omega Tri ang overall male age group category, samtang naangkon ni Langit sa host Lanao ang overall women’s age group title.

Nioras si Jumamil, kinsa ang runner-up sa ning tuig nga Cobra 70.3 Asia Pacific Asian Elite, sa 1:58:37 (hour-minute-second) pagtunob sa finish line.

Dikit lang sa dos minutos ang biya ni Jumamil batok sa runner-up Emmanuel Comendador, kinsa nihuman sa 2:00:28.

Si Comendador, garbo sa Bohol ug sa Paseo de Loon, mao ang nikampyon sa first leg sa ning tuig nga series.

Naa sa ikatulo nga pwesto si Satar Salem sa SND Baracuda nga nioras og 2:03:19.

Sa pikas bahin, gisiguro ni Langit sa Team Red Cross nga madepensaan ang iyang balwarte agi paghuman sa 2:22:30.

Nagsunod sab ang garbo sa Iligan Archangels Multisports nga si Leyann Ramo, kinsa nimarka sa 2:42:29.

Nilanding sa ikatulo si Felyn Torres sa Omega Tri diin niligas og duha lang ka segundos kontra kang Ramo sa finishing line.

Ang Cobra 70.3 Asia Pacific Asian Elite champion nga si Banjo Norte nihawod sa 18-24 age group nga nihuman sa 2:03:19.

Sa sprint distance, naangkon ni Lucian Antonio Alejo sa Team Unilab ang male category.

Sila Ebner Tanasac ug Clinton Ortezano nilanding sa ikaduha ug ikatulo nga pwesto, sunodsunod.

Naangkon ni Nello Chora Nunez sa Baybay City, Leyte ang titulo sa female sprint distance, samtang naa sa iaduha ug ikaulo, sunodsunod, sila Miles Dorothy Valdez sa Iligan City ug Divine Doroval sa Molave.

“Despite the crisis in nearby provinces, Lanao del Norte was able to prove that the province is peaceful and they believed that sports is a tool for peace,” ingon ni Dennis Yap, organizer sa Lanorte.

Sobra o naa sa 260 ka mga triathlete gikan sa laing pulo sa nasod ang nisalmot sa prestiyusong lumba sa Lanao.

Gipatik sa mantalaang Superbalita Cagayan de Oro Septembre 14, 2017.

View Comments