GIPUGOS ni Grandmaster Wesley So nga mag-abot sila ni Chinese GM Ding Liren sa rapid playoffs atol sa nagpadayon nga 2017 Fide World Cup semifinal sa Tbilisi, Georgia.
Kini, human makalingkawas si So sa ika-duha ug kataposang match nila sa standard event sa usa ka Catalan Opening nga panag-agbat.
Takilid na unta ang posisyon ni So kung nakita ni Ding ang tirang Rh8 sa ika-37 nga duso apan iyang napili ang Rc6 hinungdan napatas ang dula.
Bisan unsaon pagpangita ni Ding og igong lamang sa posisyon gikan ana, nahuman lang gayud sa draw.
Sa pikas nga semifinal match, napaingon lang gihapon sa rapid playoffs ang panagsangka tali nila GM Levon Aronian sa Armenia ug GM Maxime Vachier-Lagrave sa France.
Dako kaayo og tabang kining sige tuon sa mga dula sa mga inilang chessplayers sa pipila ka mga dekada.
Gani, diha nakakuha og basi ang mga inilang Grandmasters karong henerasyon sa paglambo sa pipila ka sistema sa mga opening ug mga teoriya.
Sa dula tali nila Wolfgang Uhlmann ug Bent Larsen atol sa World Candidates quarterfinal 1971, gipakita ni Larsen ang bagong teoriya sa Semi-slav Meran.
Uhlmann,Wolfgang (2580) - Larsen,Bent (2660) [D47]
Candidates qf1 Las Palmas (6), 1971
1.c4 Nf6 2.Nc3 e6 3.Nf3 d5 4.d4 c6 5.e3 Nbd7 6.Bd3 dxc4 7.Bxc4 b5 8.Bd3 Bb7 9.e4 b4 10.Na4 c5 11.e5 Nd5 12.Nxc5 Nxc5 13.dxc5 Bxc5 14.Bb5+ Ke7 15.0–0 Qb6 16.Bd3 h6 17.Qe2 Rhd8 18.Bd2 Kf8 19.Rac1 Rac8 20.Rc2 a5 21.Rfc1 Kg8 22.h3 Ne7 23.Ne1 Bd4 24.Rxc8 Rxc8 25.Rxc8+ Nxc8 26.b3 Ne7 27.Nf3 Bc5 28.Be1 Nf5 29.Kf1 Qc6 30.Bb5 Qc7 31.Bd3 Nd4 32.Nxd4 Bxd4 33.f4 Qc1 34.Qd2 Qa1 35.Qc2 Bc3 36.Qb1 Ba6 0–1
Human sa Bb5 nga tira ni Uhlmann sa ika-14 nga duso, nitira si Larsen og Ke7.
Sa una, sobra ra kaayo ka konserbatibo ang kasagara ug mosubay sa prinsipyo nga kanunay itago ang king agi pag-castle.
Pero nakita ni Larsen nganong kinanlan pa kung ok ang hari sa sentro.