City High, Indahag modepensa sa ilang titulo | SunStar

City High, Indahag modepensa sa ilang titulo

Time to read
1 minute
Read so far

City High, Indahag modepensa sa ilang titulo

Friday, October 06, 2017

BAGO ug daan nga managribal ang magsangka sa umaabot nga finals sa paghinapos sa 2nd Cagayan de Oro Inter-Public School Basketball Tournament Dominggo, sa West City Central School covered courts.

Sa unang higayon, mag-abot ang defending champion Cagayan de Oro National High School (NHS) ni coach Bismark Labadan ug Misamis Oriental General Comprehensive High School (MOGCHS) sa secondary under-17 boys final sa main event sa alas-4 sa hapon Dominggo, Oktubre 8,.

Parehas ang duha nga nahuman nga walay mantsa sa elimination round ug daling niabante sa final nga walay hago.

Matala sab karon ang ikalimang panagkita sa defending champion Indahag NHS ug MOGCHS BBG original lady Cavaliers alang sa secondary girls, diin mahinayon sa alas-dos sa hapon.

Sukad pa sa Oro Speed Inter-Public School Basketball Tournament, duhaka tuig niagi, ang ilang panagribal.

Magengkwentro sab ang MOGCHS Legends ug Canitoan NHS alang sa under-15 final sa alas-3 sa hapon Dominggo.

Sulayan sab sa City Central School Stingers nga mabalik ang ilang dungog isip kampyon sa elementary division.

Duha ka tuig niagi, sila ang kampyon sa elementary division sa Oro Speed sa wala pa naundang ang maong liga.

Ilang masangka ang Pagatpat Elementary School sa elementary final diin madula sa ala-1 sa hapon ugma.

Pulos dula sa third place ang mahinayon karong adlawa sa sumamang orasa.

Away sa ikatulong pwesto karon:

1 p.m. — West CCS vs PN Roa ES (elem)
2 p.m. — Bulua NHS vs MOGCHS (HS girls)
3 p.m. — Tablon NHS vs Carmen NHS (15-U boys)
4 p.m. — Carmen NHS vs Bulua NHS (17-U)

Gipatik sa mantalaang Superbalita Cagayan de Oro Oktubre 07, 2017.

View Comments