Kampyon na sab! | SunStar

Kampyon na sab!

Time to read
less than
1 minute
Read so far

Kampyon na sab!

Friday, December 01, 2017

MIULI si Ruelle “Tawing” Canino og gold medal human gihawod niya ang girls 10-under standard atol sa 18th Asean Age Group Chess Championships niadtong Biyernes didto sa Malaysia.

Nihuman ang 9-anyos nga Canino, garbo sa Barangay Kauswagan ning dakbayan sa Cagayan de Oro, og pito ka puntos sulod sa walo ka rounds.

Sulod sa maong puntos, niposti siya og pito ka daug ug usa lang ka pilde kontra sa seed number two ug iyang teammate nga si Antonela Berthe Racasa.

Si Racasa mao ang kasamtangang 10-under girls gold medalist sa ning tuig nga National Age Group Chess Championships didto sa Cebu diin unang gipilde niya si Canino bago pa man ang nagtabo na sab sila sa Asean.

Maayo ang pagsugod ni Canino sa unang upat ka rounds, apan nasamdan sa iyang kamaomao nga pilde kang Racasa sa fifth round.

Taliwala ana, giharus ni Canino ang nahibiling tulo ka rounds aron angkonon ang gold medal.

Si Canino mao sab ang gold medalist sa 8-under girls standard sa niaging Asean Age Group Championships didto sa Thailand.

Iyang teammates nga si Daren dela Cruz ug Racasa nilanding sa ikaduha ug ikatulo nga pwesto, sunodsunod, nga adunay 6.5 puntos matag usa apan nagdaug lang sila sa tie-break points.

Gipatik sa mantalaang Superbalita Cagayan de Oro Disyembre 02, 2017.

View Comments