Bag-ong XU sports centre andam na mag-host | SunStar

Bag-ong XU sports centre andam na mag-host

Time to read
1 minute
Read so far

Bag-ong XU sports centre andam na mag-host

Monday, December 18, 2017

ANDAM na ang Xavier University (XU) nga mo-host og dagkong palaro human pormal naila ang bag-ong natukod nga Xavier Ateneo Sports Centre niadtong Sabado sa Pueblo township.

Mismo si XU president Roberto Yap, SJ nikompirma sa intensyon nga mosagop ang unibersidad og hosting.

Ilabina, turno na sa XU-Ateneo de Cagayan mohawid sa Jesuit Athletic Meet (JAM) karong 2019.

“Of course, we will. Of course,” mao ang mubo nga pulong ni Yap paghimamat niya ning nagsulat.

Gidisenyo ang lima ka hektarya nga sports centre alang sa athletics, badminton, basketball, football, swimming ug volleyball.

Ang track oval sa sulod usa ka 4x100 international regular standard para sa running event ug ang tunga sa oval pwede sa uban athletics event ug football.

Ang badminton hall adunay upat ka korte, samtang ang swimming pool usa ka semi-Olympic size.

Sulod sa gym, adunay tulo ka basketball courts diin ang usa mao ang main court.

Mao sab sa volleyball courts nga adunay main court ug duha ka sub-courts.
“Eventually XU is ready to host, but we are just waiting for orders when,” ingon ni Ricky Tadlip, kinsa ang facilities manager sa sports centre.

Gikompirma sab ni XU sports director Vincent Padilla nga turno na sa XU nga mag-host karon 2019.

“It is Xavier’s turn comes 2019 and likely the sports centre will test its capability when tht day comes. And, we are confident and eager about it,” ingon ni Padilla.

Mga Physical Education instructors sa unibersidad mismo nagkanayon nga pwede pa mag-host ang XU sa matag tuig nga Mindanao Peace Games.

Gipatik sa mantalaang Superbalita Cagayan de Oro Disyembre 18, 2017.

View Comments